Hraungarður 6

LF-fasteignasala/Lindin fasteignir s. 893-1319 og Þórdís Pála Reynisdóttir löggiltur fasteignasali thordis@lindinfasteignir.is kynna:
Hraungarður 6, Eiðum, 701 Egilsstaðir.
Mjög rúmgott einbýlihús, aðalíbúðin er á efri hæð en bílskúr á neðri hæð og þar er einnig óinnréttað rými sem mætti innrétta og mögulega nýta sem aukaíbúð eða herbergi með aðalíbúðinni en er einnig kjörið sem vinnuaðstaða eða tómstundarými.                                                                         
Gengið er upp útitröppur að inngangi í aðalíbúðina en bakatil eru dyr á þvottahúsi beint út á lóðina.
Ekki er innangengt milli hæða.
Efri hæðin skiptist í forstofu með skáp eftir endilöngum vegg, hol og rúmgóða stofu, 4 svefnherbergi, 2 vel rúmgóð og 2 minni, rúmgott eldhús með búri inn úr. Í búrinu eru gott skápa og hillupláss og vinnuborð.
Baðherbergi með baðkari með sturtutækjum, ágæt innrétting er á baðherberginu, veggir við baðkarið eru flísalagðir en aðrir veggir á baðherbeginu með plötum með flísaútliti.
Þvottahús með dyrum út í bakgarðinn er einnig á hæðinni.                                                                                 
Neðri hæð hússins (kjallarinn) er steinsteypt en efri hæðin úr timbri.                                                                                                                           
Húsið er klætt með góðri litaðri stálklæðningu bæði kjallari og hæð.                                                      
Að innan er íbúðin snyrtileg og ber með sér endurnýjun af og til í gegn um tíðina.                                                                                             
Gólfefnii eru flísar á forstofu og baðherbergi, viðarparket á stofu og holi, málað gólf í þvottahúsi og dúkar á svefnherbergjum, eldhúsi og búri.               
Á neðri hæð er bílskúr og óinnréttað rými, alls samkvæmt skráningu 115,5 fermetrar en íbúðin á efri hæðinn er skráð 116 fermetrar.   
Húsið er kynt með rafmagnsþilofnum en hitaveita er komin inn í húsið.                        
Eiðar eru flottur staður í fallegu umhverfi en smáspotti á sléttum vegi í Egilsstaði þar sem alla helstu þjónusth er að fá.