Brimklöpp 5

Sunna fasteignasala og Marta Jónsdóttir, lögfr. og lfs., kynna nýbygginguna Brimklöpp 5, 250 Suðurnesjabæ. Húsið afhendist á byggingarstigi 2 og fullbúið að utan - en hægt er að fá húsið lengra komið. Einnig er í boði að breyta innra skipulagi hússins, setja milliloft í bílskúr, bæta við herbergi ofl. 

Um er að ræða einlyft staðsteypt 192 fm einbýlishús með bílskúr, sem er 37,5 fm. Sökklar, botnplata, útveggir og hluti innveggja er staðsteypt með járnbentri steinsteypu. Þak er byggt úr 45x245 mm timbursperrum sem hvíla á stálbitum og steyptum veggjum.
Steinsteypt botnplata og allir steinsteyptir burðarveggir eru komnir upp. Skilveggir milli notaeininga og innbyggðrar bílageymslu eru fullfrágengnir (án málningar).
Allar innsteyptar pípur fyrir raf- og pípulagnir eru komnar upp.

Húsið afhendist innanhúss á byggingastigi 2, skv. ÍST 51:2021, að því undanskildu að eftirfarandi er innifalið til viðbótar:
* Heimtaugar rafveitu, hitaveitu og vatnsveitu
* Öll gólf flotuð
* Öll loft einangruð með 220 mm steinullareinangrun með vindvörn og rakavarnarlagi

Frágangur lóðar:
Lóð er fullfrágengin með torfi, stétt, bílaplani fyrir 3 bíla, sólpalli, skjólveggjum og þreföldu sorpskýli. Hiti er í steyptti stétt og bílaplani fyrir framan hús.
Sólpallur er úr timbri og klæddur með ómálaðri timburklæðningu, hitameðhöndlaðri furu, Lunawood Thermowood og er með földum festingum. Ídráttarrör eru fyrir heitan pott undir sólpalli.
Skjólveggur að framan er staðsteyptur, filteraður og málaður í litnum Mói frá Slippfélaginu.
Skjólveggur að aftan er staðsteyptur, fyllt í öll kónagöt með múrtöppum og veggur sílaborinn.
Sorptunnuskýli er steinsteypt frá BM Vallá (þrefalt) og er timburverk málað í litnum RAL 7016.
Gert er ráð fyrir tengibúnaði vegna hleðslu tveggja rafbíla inni í bílskúr.

Byggingaraðili er Bragi Guðmundsson ehf. - traustur verktaki með áratuga reynslu og þekktur fyrir vönduð vinnubrögð. Húsið er í nýju og glæsilegu hverfi sem er í byggingu.

Nánari upplýsingar veitir Marta Jónsdóttir, lögfr. og lfs. í síma 8633445 og netfanginu marta@sunnafast.is.
Gögn á borð við skilalýsingu og aðaluppdrættir eru fáanleg hjá fasteignasala.