Glaðheimar 24

Nýtt á skrá! Glaðheimar 24 í Reykjavík - Glæsileg og mikið endurnýjuð efsta hæð með 3-4 svefnherbergjum, arinstofu og þaksvölum með glæsilegu útsýni.

Lind fasteignasala / Heimir Hallgrímsson lögg. fasteignasali kynnir virkilega glæsilega og vel staðsetta 6 herbergja hæð (efsta) með þaksvölum með glæsilegu útsýni í rólegri og barnvænni götu við Glaðheima í Reykjavík. Heildareignin er alls 121,0 fermetrar að stærð auk sameignar. Sérstæði fylgir á lóð.

Hæðin er vel skipulögð með stórum alrýmum (borðstofa og setu/arinstofa) og rúmgóðum svefnherbergjum. Fjögur svefnherbergi eru á hæðinni en möguleiki er að nýta svefnherbergi næst eldhúsi sem þvottaherbergi (einnig er þvottaherbergi í kjallara hússins). Stórir gluggar í stofum austurs, suðurs og vesturs. Útgengi úr arinstofu um rennihurð á rúmgóðar þaksvalir með glæsilegu útsýni.

Hæðin og húsið hefur fengið gott viðhald á undanförnum árum. Árið 2021 var húsið múrviðgert og málað, ásamt því að skipt var um eitthvað af gluggum í húsinu. Búið er að endurnýja mestmegnis af lögnum í húsinu t.a.m. ofnalagnir, neysluvatnslagnir og raflagnir. Sameign var endurnýjuð fyrir 2-3 árum síðan (máluð og skipt um teppi). Þá var þakpappi var endurnýjaður árið 2015. Auk þess er búið að endurnýja gólfefni íbúðar og baðherbergi.

Lóðin er 668,0 fermetrar að stærð, snyrtileg og sameiginleg. Tyrfður garður til vesturs, suðurs og austurs með fallegum trjágróðri. Vestan megin við hús er stétt að húsi og er snjóbræðsla í útitröppum á inngangi hússins.

Um er að ræða afar fallega hæð á eftirsóttum stað við Glaðheima í Reykjavík. Frábær staðsetning í grónu og fjölskylduvænu hverfi miðsvæðis við Laugardalinn. Stutt er í alla verslun og þjónustu, m.a. Holtagörðum, Glæsibæ, Skeifuna, leikskóla, grunnskóla, sundlaug og heilsurækt. Laugardalurinn og Elliðaárdalur í göngufjarlægð með allri þeirri útivist sem þar er upp á að bjóða.

Nánari lýsing:
Forstofa: Með parketi á gólfi og fatahengi/skáp.
Borðstofa: Er rúmgóð, með parketi á gólfi og glugga til vesturs.
Setustofa/Arinstofa: Með parketi á gólfi, fallegum arni og gluggum til austurs, suðurs og vesturs. Útgengi á þaksvalir um rennihurð.
Þaksvalir: Eru rúmgóðar og með glæsilegu útsýni yfir höfuðborgina, út á sundin og til fjalla.
Eldhús: Með parketi á gólfi og fallegri viðar eldhúsinnréttingu með frístandandi eyju. Flísar á milli skápa og gluggi til norðurs. Stál bakaraofn, spansuðu helluborð, stál háfur og tengi fyrir uppþvottavél.
Baðherbergi: Hefur verið endurnýjað á fallegan máta. Flísar á gólfi og veggjum. Innrétting við vask. Flísalögð sturta með glerþili og innb. Grohe blöndunartækjum. Innb./upphengt salerni og gluggi til austurs.
Hjónaherbergi: Er stórt með parketi á gólfi, skápum og glugga til suðurs.
Svefnherbergi II: Með parketi á gólfi og glugga til austurs.
Svefnherbergi III: Er stórt, með parketi á gólfi, skápum og glugga til suðurs.
Svefnherbergi IV: Með flísum á gólfi og glugga til norðurs. Möguleiki væri að nýta þetta herbergi sem þvottaherbergi (stendur við hlið eldhúss).

Geymsla: Er staðsett undir útitröppum og fylgir hæðinni. Rafmagn er í geymslu (hiti í útitröppum).
Þvottaherbergi: Er staðsett í kjallara hússins. Sér tenglar fyrir hverja eign og þvottasnúrur.
Hitarými: Er sameiginlegt í kjallara hússins.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672