Kóngsbakki 5

**EIGNIN ER SELD MEÐ FYRIRVARA UM FJÁRMÖGNUN**

Guðbjörg Helga og Gylfi Jens hjá RE/MAX kynna í einkasölu: Kóngsbakki 5, 109 Reykjavík.
Endurnýjuð, björt og einstaklega vel skipulögð 5 herbergja 104 fm íbúð á 2. hæð í góðu 3ja hæða fjölbýlishúsi með skjólgóðum og sólríkum suðvestursvölum og sameiginlegum inngangi. Íbúðin var öll uppgerð árið 2018 og nú er verið er að ljúka stórum framkvæmdum á veðurkápu hússins  þar sem allir gluggar  og gler voru yfirfarnir og endurnýjað þar sem þurfti, múrverk lagað og málað ásamt því sem þakið var yfirfarið (sjá gögn húsfélags). Sameign er mjög snyrtileg og eru næg bílastæði.  Mjög góð staðsetning í Bökkunum þar sem stutt er í góð útivistarsvæði, alla þjónustu og samgöngur. Fasteignamat 2026 verður 64.250.000. Íbúðin getur verið laus fljótlega.

Heildarstærð eignar:
Uppgefin heildarstærð hjá HMS er 104 fm, þar sem íbúðin er 94,3 fm og sérgeymsla í kjallara er 9,7 fm. Núverandi skipulagi hefur verið breytt frá upphaflega samþykktum teikningum,var 4 herbergja en er nú 5 herbergja.

     **SÆKTU SÖLUYFIRLIT MILLILIÐALAUST HÉR**

     **SKOÐAÐU EIGNINA Í ÞRÍVÍDD OG NJÓTTU ÞESS AÐ GANGA UM HANA HEIMA OG MÁTA ÞIG VIÐ HANA**
     (Þú getur fjarlægt allt innbú með aðstoð gervigreindar með því að ýta á stólinn neðst til vinstri er kominn inn í þrívíddarsýnina) 

Núverandi skipulag: 
Alrými með forstofu, stofu, borðstofu og eldhúsi, svalir, 4 svefnherbergi, gangur, baðherbergi, þvottaherbergi, sérgeymsla í kjallara. 

Nánari lýsing eignar: 
Fallegar hvítar innréttingar og fataskápar frá IKEA, harðparket frá Birgisson á gólfum, dökkar flísar og mosaík flísar á baði og þvottahúsi. Innihurðar eru hvítar, yfirfelldar frá Parka.
Forstofa: Komið er inn í forstofu með góðum þreföldum hvítum fataskáp á hægri hönd. Opið við alrými með eldhúsi, stofu og borðstofu. 
Eldhús í alrými:  Hvít L laga háglans innrétting með eyju, svört borðplata og svartur vaskur. Plötur með flísa-marmaraáferð eru á milli efri og neðri skápa, dimmanleg ikea lýsing undir efri skápum í innréttingu, innbyggð lýsing í lofti við innréttingu, innbyggður ísskápur og uppþvottavél, span helluborð og fjölkerfa bakarofn. 
Stofa/Borðstofa í alrými: Er björt og rúmar vel stofu og borðstofu. Útgengi er á góðar 5,7 fm suðvestur svalir sem snúa inn í góðan gróinn garð með góðri yfirsýn yfir leiksvæði. Gráar og svartar plastflísar (lausar) fylgja með.
gangur: tengir saman þrjú af fjórum svefnherbergjum, bað og þvottahús. 
Baðherbergi: Flísalögð walk-in sturta með glæru sturtugleri. Upphengt salerni og handlaug í hvítri innréttingu með 2 skúffum. Gólfflísar eru á hluta veggja, salerniskassa og gólfi. 
Þvottaherbergi: Tengi fyrir þvottavél og þurrkara, stálvaskur er í borðplötu sem er L- laga. Vegghengdur skápur og snúruhengi í lofti ofan borðplötu.
Herbergi 1: Rúmgott herbergi með góðum fataskáp eftir einum vegg. 
Herbergi 2: Rúmgott með gluggum á einum vegg og er hluti gluggans hólf í gólf. Útskot er í herberginu sem getur nýst sem nett fataherbergi eða fyrir rúm/vinnuaðstöðu.
Herbergi 3: minnsta herbergið. Er skrifstofa í dag, en getur vel nýst sem nett svefnherbergi.
Herbergi 4: Rúmgott með góðum fataskáp.
Sérgeymsla: Er staðsett í kjallara, uppgefnir fm eru 9,7 fm. Rúmgóð með hillum eftir einum vegg.  
Sameign: Þurrkherbergi og ræstingarými er í kjallara. Á jarðhæð er vagna/kerrugeymsla gegnt inngangi sem er flísalagður og síðan er rúmgóð hjólageymsla með sérinngangi frá lóð við tröppur frá bílastæði. Stigahús er teppalagt. Nýr dyrasími er í stigahúsinu. 

Framkvæmdasaga í tíð núverandi eigenda:
2025: Dyrasímakerfi í stigahúsi endurnýjað.
2024-2025: (Yfirstandandi framkvæmdir á lokastigi á ytra birði húss) hús og tréverk málað, þak yfirfarið, glugga/glerskipti eftir þörfum o.fl.  
2024: Lausar Ikeaplastflísar settar á svalirnar
Framkvæmdasaga fyrri eigenda (skv söluyfirliti 2020 er núverandi eigendur keyptu íbúðina)
2018: Allar innréttingar endurnýjaðar, blöndunartæki, eldhústæki,raflagnir í íbúð og vatnslagnir að hluta. 

Göngufæri er í alla helstu þjónustu svo sem skóla, leikskóla og verslanir í nærumhverfi. Nettó er bæði í Seljahverfinu og Mjódd.  Stutt ganga er í góðar almenningssamgöngur í Mjódd sem og strætó 12 sem stoppar enn nær og gengur alla leið niður í bæ og stutt leið er á stofnæðakerfi höfuðborgarsvæðisins. Fallegt gróið útivistarsvæði í nærumhverfi og stutt er í paradísina í Elliðaárdal og lítið lengra inn í Kópavogsdal. 

Allar nánari upplýsingar veita:
Guðbjörg Helga löggiltur fasteignasali og viðskiptafræðingur  s. 897 7712 og í netfangi gudbjorg@remax.is
Gylfi Jens löggiltur fasteignasali og lögmaður  s. 822 5124 og í netfangi gylfi@remax.is