Friggjarbrunnur 53

Í kjölfar mats dómskvadds matsmann á tilteknum atriðum/göllum í sameign, stefndi húsfélagið RED ehf., HH byggingum ehf. og tryggingafélögum. Dómur féll í Landsrétti í máli húsfélagsins þann 9.2.2024. Með dóminum var fallist á kröfur húsfélagsins um greiðslu vegna galla á yfirborði bílageymslu og þaki hennar, gólfi bílageymslu, niðurfalli af þaki og þakbrún. Sjá nánar meðfylgjandi dóm Landsréttar. Bætur hafa verið greiddar húsfélaginu í samræmi við niðurstöðu dómsins og er ætlunin að nota þær í þágu húsfélagsins, m.a. til að ráða bót á leka í bílakjallara o.fl. Á aðalfundi 2025 var farið yfir þau verkefni sem húsfélagið stendur frammi fyrir vegna þessa. Á húsfundi 15.4.2025 var samþykkt að ganga að tilboði í viðgerð á þaki bílakjallara upp á 21,4 milljónir króna. Verkið er yfirstandandi. Þá er áætlað að kostnaður við viðgerð á gólfi í bílakjallara verði í kringum 5 milljónir.

A. Á húsfundi 12.9.2023 var samþykkt tilboð frá Árós pípulagnir að upphæð 220.000 kr. m/VSK í að festa upp lagnir í bílageymslu.
B. Á aðalfundi 2024 var rætt um lekaskemmdir í anddyri Skyggnisbrautar 4 og Skyggnisbrautar 6 sem stafa af leka að utan vegna galla á niðurföllum á vegum Reykjavíkurborgar. Reykjavíkurborg hefur samþykkt að fara í framkvæmd til að lagfæra halla og mun standa straum af kostnaði við hana. Sjá fundargerð aðalfundar 2025.
C. Á aðalfundi 2025 var stjórn veitt heimild til að ganga að tilboði fyrir allt að 1.500.000 kr. til að setja snjóbræðslu undir stétt fyrir framan innganga og ruslageymslur S4-6.
D. Viðvarandi leki hefur verið inn íbúðir 403 og 404 á Skyggnisbraut 2, líklega frá þaksvölum. Fyrirhugað er að ganga í þá viðgerð samhliða viðgerð á þaki bílakjallara, sjá hér ofar

Á aðalfundi 2025 kom fram að húsfélagið hefði fengið háan uppgjörsreikning frá Veitum vegna aukinnar hitanotkunar. Gengið var á tjónabætur húsfélagsins (framkvæmdasjóður) til þess að standa straum af umfram kostnaði vegna hitans og er þörf á að innheimta þann kostnað af eigendum til þess að endurgreiða framkvæmdasjóði fjármunina svo hægt sé að standa í skilum við kostnað vegna yfirstandandi framkvæmda. Aukainnheimta á eigendur vegna hitakostnaðar að fjárhæð 7.600.000 fer fram í þrem jöfnum greiðslum í ágúst til október 2025. Hutur seljanda er 126.160 kr. sem skiptist niður í 3 jafnar greiðslur í ágúst til október, hver að fjárhæð 42.053 kr.

Það eru smá múrskemmdir á vegg við svalahurð

Einhverjir gallar voru í bílageymslu eða þaki þar yfir þar sem lak inn en það er verið að gera við það núna. Það hafði ekki óhrif ó geymslu né bílastæði sem fyrgir þessari íbúð

Eftir að skipta um dyrasíma, seljandi er búin að hafa samband við rafvirkja sem sér um það