Langholt Hraun

Fasteignasalan Hvammur 466 1600

Hraun við Langholt á Akureyri - snoturt einbýlishús 122,6 m² að stærð og skiptist í 88,7 m² 2ja-3ja herbergja íbúð auk 33,9 m² viðbyggingar sem skráð er sem geymsla en var áður innréttuð sem stúdíóíbúð.  Húsið stendur á stórri lóð með góðri aðkomu bæði frá Hörgarbraut sem og frá Langholti.

Íbúðarhluti hússins skiptist í: eldhús, eitt svefnherbergi, tvöfalda stofu, baðherbergi, geymslu, búr og þvottahús/bakdyrainngang. 

Nánari lýsing: 
Eldhús er með vinylparketi á gólfi og hvítri innréttingu frá ikea sem sett var upp árið 2023. Innbyggður ísskápur með frysti og uppþvottavél eru í innréttingu og fylgja þau tæki með við sölu. 
Inn af eldhúsi er rúmgott búr en þar eru hillur á veggjum og dúkur á gólfi. 
Svefnherbergið er rúmgott með gluggum í tvær áttir. Vinylparket á gólfi og rúmgóður fataskápur. 
Stofan er tvöföld og er opið á milli þeirra. Þar er plastparket á gólfi og gluggar til tveggja átta. 
Baðherbergi er með flísum á gólfi og baðþiljum á veggjum. Baðkar með sturtutækjum og hvít innrétting, opnanlegur gluggi.
Geymsla er með máluðu gólfi og hillum á veggjum. 
Þvottahús/bakdyrainngangur er með flísum á gólfi og rúmgóðum skápum. Þar er tengi fyrir þvottavél. 
Aðalinngangur með með flísum á gólfi snýr að Langholti.

Geymslan er skráð 33,9 m² að stærð og býður upp á ýmsa möguleika.  Sem stendur er sérinngangur inní rýmið en auðvelt er að opna yfir íbúðina og bæta við herbergjum.  Í rýminu var áður stúdíóíbúð og sá mögueiki er einnig fyrir hendi.  Rýmið er hins vegar á fokheldisstigi sem stendur, en á því er nýtt þak og gluggar sem og önnur útidyrahurðin.

Lóðin er 815 m² að stærð en auk þess er bæjarland við þrjár hliðar lóðarinnar og því rúmt pláss allt í kring.  Sólpallur er við aðalinngang og þar er einnig geymsluskúr og gróðurhús.  Góð aðkoma er bæði frá Hörgárbraut og Langholti.

Annað: 
- Járn á þaki var endurnýjað árið 2012 og skipt um það timbur sem þurfti.
- Snjóbræðsla eru í steyptri stétt vestan við húsið  
- Gluggar og útidyrahurðar hafa verið endurnýjaðar á síðustu 5-10 árum, að undanskilinni einni hurð út úr geymslu.
- Skemmtileg eign sem býður upp á ýmsa möguleika.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.