Engjateigur 17

Fasteignamarkaðurinn ehf. s: 570-4500 kynnir til sölu virkilega fallega, bjarta og vel skipulagða 4ra herbergja 109,9 fermetra íbúð á tveimur hæðum með sérinngangi, suðursvölum og fallegu útsýni í Listhúsinu við Engjateig 17-19 í Reykjavík.
Stór nýleg hellulögð verönd er sunnan við húsið og er hún nýlega endurnýjuð og með snjóbræðslukerfi undir. Veröndin er sameiginleg með öðrum íbúðum í húsinu.
Yfirbyggðar suðursvalir eru útaf stofu á efri hæð og eru þær vel opnanlegar.
Nýtt ljós vinylparket er á neðri hæð íbúðarinnar, en skipt var um það eftir að myndir voru teknar af íbúðinni.

Eignin hefur verið þó nokkuð endurnýjuð hið ytra á sl. árum. 
Húsið að utan lítur vel út og var viðgert og málað fyrir fáum árum síðan.
Þakjárn var allt endurnýjað árið 2022
Hellulögð stór stétt sunnan við íbúðir á 2. hæð var endurnýjuð nýlega og sett snjóbræðsla undir hellulögn.

Frábært útsýni er frá stofu yfir Ásmundarsafn.
Örstutt er að fallegum gönguleiðum í Laugardalnum, í Laugardalslaug, líkamsræktarstöð og alla þjónustu.
 
Verulega aukin lofthæð er í stofu og innfelld lýsing í loftum.  Aukin lofthæð er einnig í hluta efri hæðar eignarinnar og innfelld lýsing í loftum. 

Lýsing eignar:
Neðri hæð íbúðarinnar er 58,2 fermetrar að stærð og skiptist þannig
Forstofa, parketlögð.
Hol, parketlagt og með fataskápum og föstum skenk.
Herbergi, parketlagt og rúmgott með fataskápum.
Baðherbergi, er endurnýjað að hluta. Flísalagt gólf og veggir, innrétting, vegghengt wc, handklæðaofn og flísalögð stór sturta með sturtugleri. Tengi fyrir þvottavél og þurrkara er í baðherbergi.
Stofa, parketlögð, rúmgóð og mjög björt með stórum glugga til norðurs sem nær inn á þak og veitir skemmtilega birtu inn í rýmið.  Fallegt útsýni að Esjunni og yfir garð Ásmundarsafns.

Fallegur stálstigi með viðarþrepum liggur úr stofu á neðri hæð og upp á efri hæð íbúðarinnar sem er 44,5 fermetrar að stærð.

Eldhús, sem er opið við borðstofu og með útsýni yfir stofu neðri hæðar er parketlagt. Fallegar viðarinnréttingar með flísum á milli skápa og tengi fyrir uppþvottavél. Eyja með helluborði og áfastri borðaðstöðu.
Borðstofa, parketlögð og björt. 
Skáli, er flísalagður og opnanlegur og snýr til suðurs og er ígildi suðursvala. 
Herbergi II, parketlagt og með mjög mikilli lofthæð og fataskápum.

Sérgeymsla í kjallara hússins er 7,2 fermetrar að stærð.

Húsið að utan var viðgert og málað fyrir fáum árum síðan og er í góðu ástandi auk þess sem þakjárn er nýlegt.

Lóðin er fullfrágengin og virkilega góð aðkoma er að húsinu. Stórt malbikað bílaplan er fyrir framan húsið með fjölda bílastæða, hellulögð stétt og tjárgróður og baklóð er tyrfð og með trjágróðri.

Staðsetning eignarinnar er virkilega góð á grónum stað miðsvæðis í Reykjavík þaðan sem stutt er í leikskóla, skóla, verslanir, þjónustu, Laugardalslaug, World Class og fallegar útivistaperlur í Laugardalnum.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is