Grensásvegur 12

Sunna fasteignasala og Marta Jónsdóttir, lögfr. og lfs., kynna eignina Grensásvegur 12, 108 Reykjavík. 

Um er að ræða bjarta og fallega studíó íbúð á fjórðu og efstu hæð hússins. Íbúðin er 50,1 fm að stærð og er með stórum svölum sem snúa út að Grensásvegi. Frábært útsýni er af svölunum og næg bílastæði eru á baklóð hússins. Fyrirhugað fasteignamat fyrir árið 2026 er kr. 51.350.000 kr.

NÁNÁRI LÝSING:
Forstofan er í opnu rými og er með fataskáp með speglahurðum. Harðparket er á gólfi. 
Eldhúsið er í sama alrými og stofan, og er með fallegri innréttingu með dökkum neðri skápum, hvítum efri skápum og ljósri borðplötu. Ofn og helluborð eru frá Electrolux. Harðparket er á gólfi. 
Stofan er björt með stórum gluggum og harðparketi á gólfi. Útgengt er á rúmgóðar svalir frá stofu sem snúa í suð-austur. Svalirnar eru um 16 fm að stærð.
Baðherbergið er flísalagt með dökkum flísum á gólfi og hvítum flísum á veggjum. Innrétting er með innfelldum vaski, spegli með innbyggðri lýsingu og  handklæðaofni. Sturtan er með sturtugleri úr hertu öryggisgleri, og salerni er upphengt. Á baðherberginu er tengi fyrir þvottavél og þurrkara. 

Geymslan sem fylgir eigninni er 5,5 fm og er staðsett á sömu hæð og íbúðin. 

Sameignin er snyrtileg með innbyggðri lýsingu með hreyfiskynjara, teppi eru á stigagöngum en flísar í anddyri. Lyfta er í húsinu.
Við anddyri hússins er sameiginleg hjóla-og vagnageymsla.  
Tvöfalt verksmiðugler (K-gler) í öllum gluggum. 
Í húsinu eru 24 íbúðir: 8 íbúðir á 2. hæð, 8 íbúðir á 3. hæð og 8 íbúðir á 4. hæð. Byggt var ofan á húsið svo að hæðin sem eignin er á er nýleg. 

Ath. Framkvæmdir sem eru fyrirhugaðar á vegum húsfélagsins verða greiddar af seljanda. Um er að ræða viðgerð á 8 gluggum á framhlið hússins.

Stutt er í alla þjónustu í nágrenninu eins og verslanir, veitingahús og aðra þjónustu þ.m.t. almenningssamgöngur.

Virkilega snyrtileg og falleg eign á góðum stað sem vert er að skoða.
Frábær fyrstu kaup!!

Nánari upplýsingar veitir Marta Jónsdóttir, lögfr. og lfs., í síma 8633445 og netfanginu marta@sunnafast.is.