Jöfursbás 11C

Fáðu nánari upplýsingar og gerðu tilboð á sölusíðu eignarinnar.

Kaupstaður kynnir:

Afar vel skipulögð 4ra herbergja íbúð með sérinngangi og sérafnotareit við Jöfursbás 11, Gufuneshverfi, Grafarvogi.

* Fallegt útsýni
* Svalir út frá stofu til vesturs
* Byggingarár 2021
* Frábær fyrstu kaup
* Kaupendur á aldrinum 18-40 ára eru í forgangi samkv. kvöð á eigninni.

Nánari upplýsingar veita:
Kaupstaður fasteignasala - 454-0000 - kaupstadur@kaupstadur.is - www.kaupstaður.is

Birt stærð eignar samkv. Fasteignaskrá Íslands er 64.8 m² og fyrirhugað fasteignamat 2024 er 54.300.000 kr

Eignin skiptist í anddyri, eldhús / borðstofu / stofu, 3 svefnherbergi og baðherbergi
Anddyri er flísalagt með skáp og fatahengi.
Eldhús, borðstofa og stofa eru í björtu alrými með parket á gólfi. Í eldhúsi er Innrétting með tengi fyrir uppþvottavél, bakarofn, helluborði og viftu.
Út frá stofu er útgengt út á verönd til vesturs.
Baðherbergi er með innréttingu með handlaug og skúffum, upphengdu wc, "walk-in" sturtu með glerlokun, speglaskáp og tengi fyrir þvottavél og þurrkara.
Svefnherbergi 1 er með parket á gólfi og fataskáp.
Svefnherbergi 2 er með parket á gólfi og fataskáp.
Svefnherbergi 3 er með parket á gólfi og fataskáp.
Öll herbergi og stofa eru með fallegum hvítum gólfsíðum gardínum og "blackout" rúllugardínum.
Sameiginleg hjólageymsla og þvottahús er á jarðhæð.
Í sameign er einnig vinnuaðstaða/veislusalur sem íbúar geta leigt og pósthús.
Íbúðirnar hafa haft afnot af matjurtagarði sem Reykjavíkurborg lánar Jöfursbás 11.

Íbúðir Þorpsins vistfélags eru á sjávarlóð í nýju hverfi í Gufunesi. Frá lóðinni er glæsileg sjávarsýn og útsýni yfir Geldinganes og Viðey. Í hverfinu og meðfram lóðinni verða göngu- og hjólastígur meðfram ströndinni sem tengjast grónum íbúðasvæðum í Grafarvogi.

Íbúðarhúsin mynda garðrými fyrir skjólgott torg, leikvöll, boltavelli og grasfleti. Torgið verður við aðalinngang húsanna við sameiginleg rými íbúa. Leik- og dvalaraðstaða er norðan megin gegnt ströndinni þar sem gert er ráð fyrir sparkvelli og götuboltasvæði. Tekið er tillit til sólarátta og byggð skipulögð þannig að garðrýmin eru í góðu skjóli fyrir veðri og vindum. Við innganginn er sólríkt miðlægt torg fyrir framan sameiginleg rými þar sem er veislusalur/kaffihús/vinnurými, sameiginlegt þvottahús og pósthús/búr fyrir aðsendan póst og vörur. Við torgið er leiksvæði fyrir yngri börn en sparkvöllur og götuboltasvæði er í garði á móti sjó. Á torginu er einnig hjóla- og vagnageymsla. Handan götunnar eru matjurtagarðar fyrir íbúa og sérstök deilibílastæði. Matjurtagarðarnir verða til afnota fyrir íbúa til ræktunar fyrir þá sem það kjósa. Þar verður heimilt að gera vermireiti og gróðurskýli og er garðurinn ýmist 20 fm. eða 40 fm.

Deiliskipulag fyrir Gufunes, nýjasta hverfi Reykjavíkur, byggir á verðlaunatillögu hollensku arkitektastofunnar jvantspijker + Felixx sem árið 2016 hreppti fyrstu verðlaun í hugmyndasamkeppni um Gufunessvæðið. Í vinningstillögunni segir að Gufunes eigi að verða eins konar ventill fyrir ungt fólk sem kýs grósku og borgarbrag í stað úthverfa. Tillagan nýtir óhefluð umhverfisgæði og staðaranda sem grunn að samfélagi þar sem tækifæri, hagkvæmni og upplifun verða í forgrunni.

Í Gufunesi verður blönduð byggð fyrir íbúðir, smærri atvinnurekstur, skapandi iðnað, menningu, menntun, sýningar- og atburði, ferðamannaiðnað og sjálfbærar samgöngur. Gufunesið verður þannig einstakt hverfi í borginni þar sem iðnaðarmannvirki, manngert landslag, afþreying- og útivist og stórfengleg fjallasýn við sjávarsíðu mynda órjúfanlega heild.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.