Skálabrekkugata 12

Trausti fasteignasala og Hallgrímur Hólmsteinsson löggiltur fasteignasali kynna í einkasölu glæsilegt heilsárs hús við Skálabrekkugötu 12, einungis 30 mínútur frá Reykjavík í landi Skálabrekku í Þingvallasveit. Útsýni yfir Þingvallavatn, Nesjavelli og Hengil úr stofunni þar sem eru gólfsíðir gluggar. Leyfi til vatnssetningar fyrir bát í vatninu, enda er húsið steinsnar frá Þingvallavatni í þriggja mínútna göngufjarlægð. Löng sandströnd er við vatnið þar sem húseigendur á svæðinu hafa sameiginlegan aðgang að vatninu og til vatnssetningar báta.  Húsið er er skráð 139,9 fm í Þjóðaskrá Íslands. Byggingarleyfi er fyrir 25,7 fm gestahúsi eða geymslu. Lóðin er eignarlóð og er skráð 8200 fm hjá Þjóðskrá.  Húsið er einstaklega vandað með vandaðar innréttingar, flísalagt með stórum afar fallegum flísum og allt húsið er með gólfhita. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á tölvupóstfangið hallgrimur@trausti.is.

Nánari lýsing eignar:

Anddyri: Fataskápur, flísar á gólfi.
Stofa / borðstofa: Rúmgóð og björt, gluggar í tvær áttir, flísar á gólfi og útgengi um stóra rennihurð út í garðinn. Mikið útsýni úr stofunni er til vesturs og suðurs. 
Eldhús: Sérsmíðuð HTH innrétting með eyju, steinn frá steinsmiðjunni Rein á öllum eldhúsbekkjum, gashellur í eyjunni, ofn í vinnuhæð, flísar á gólfi. Eldhúsið er í alrými með stofu og borðstofu. 
Baðherbergi: Innrétting úr dökkum við frá HTH, steinvaskur og steinn á borðplötu frá steinsmiðjunni Rein. Sturta, upphengt salerni, flísar á gólfi og veggjum. 
Hjónasvíta: Rúmgott og með miklu skápaplássi, skápar frá HTH, flísar á gólfi. Baðherbergi er innan hjónaherbergis, flísar á gólfi og veggjum, steinvaskur og steinborðplata frá steinsmiðjunni Rein, sturta.
Svefnherbergi I: Rúmgott, stórir fataskápar, flísar á gólfi.
Svefnherbergi II:  Rúmgott, fataskápur, flísar á gólfi.

Húsið er ekki að fullu frágengið, lítilsháttar lagfæringar eru eftir innanhúss. Lóðin er grófjöfnuð og það á eftir að byggja pall í kringum húsið.  

Lóðinni fylgir réttur til vatnsetningar á einum báti í Þingvallavatn á þar til gerðum stað við vatnið. Einnig fylgir veiðiréttur fyrir a.m.k. eina stöng í Þingvallavatni gegn greiðslu árlegs gjalds í Veiðfélag Þingvallavatns skv gildandi gjaldskrá hverju sinni. Félag húseigenda er á svæðinu og nýr eigandi væri félagsmaður í því félagi. Hér er einstök perla á ferðinni, svo stutt frá höfuðborginni að hægt er að sækja vinnu þangað daglega. 

Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða á tölvupóstfangið hallgrimur@trausti.is.