Hvassaleiti 48 - AUKA Íbúð

Betri Stofan fasteignasala Borgartúni 30 og Þórir Skarphéðinsson lögmaður og lgfs., sími 844-9591 kynna glæsilegt þriggja hæða,  317 fm parhús í Hvassaleitinu með sér íbúð á jarðhæð.
Eignin hefur verið mjög mikið endurnýjuð á vandaðan og smekklegan hátt á síðustu árum. Um er að ræða gott fjölskylduhús í rólegu hverfi, miðsvæðis í Reykjavík. Örstutt er í alla þjónustu s.s. leik,- grunn-, og menntaskóla, heilsugæslu og Kringluna. Aðkoma að húsinu er góð, stórt bílaplan sem rúmar allt að fimm bíla við húsið.
Fasteignin er á þremur hæðum, jarðhæð með sér íbúð og tveimur hæðum, mið og efri hæð.  Aðalinngangur er á miðhæð í forstofu og gestasnyrting inn af henni, þar er ný hitalögn í gólfi í báðum rýmum, flísar á gólfi og ný hreinlætistæki á snyrtingu.  

Komið er inn á gang sem tengist rúmgóðu eldhúsi með stórum borðkrók. Innar á gangi er stigi upp á efri hæð en innst er stór stofa og borðstofa. Búið er að yfirbyggja svalir, með gólfhita, og opna inn í stofur.  Útgengt er úr stofu út í garð sem er með sólpalli, trjágróðri og grasflöt. Innangengt er í bílskúr af hæðinni.

Á efri hæð er komið upp í stórt opið rými sem nýtist sem sjónvarpsstofa, litlar svalir eru út frá þessu rými. Fjögur svefnherbergi eru á hæðinni þar af tvö sem búið er að sameina í eitt og svalir út frá hjónaherbergi.  

Sér íbúð á jarðhæð: Glæsileg 3-4 herbergja íbúð með sérinngangi.  Íbúðin var gerð upp 2022 og  allir útveggir einangraðir að nýju, hitalögn fræst í gólfplötu, nýtt parket lagt sem og allar raflagnir, vatnslagnir, frálagnir út í götu, öll gólf flotuð og innréttingar settar upp.  Öflug loftræsting er í eldhúsi og baðherbergi.

Góður sólpallur er á baklóð og snýr í norð-vestur með skjólgirðingum að hluta, trjágróður er einnig á lóðinni. Lóðin er skjólsæl og aðkoma að húsinu er einstaklega góð.

Hér er um að ræða einstaklega rúmgott hús með sér íbúð með sérinngangi á besta stað. Allir helstu skólar og þjónusta eru í göngufæri og Kringlan handan við hornið.

Nánari upplýsingar veitir Þórir Skarphéðinsson lögmaður og lgfs., í síma 8449591, tölvupóstur thorir@betristofan.is