Sunnusmári 9

Nýtt á skrá! Sunnusmári 9 (708) Kópavogi - Bókið skoðun.

Glæsileg fullbúin 2ja herb. íbúð á efstu hæð með stæði í bílakjallara, þvottaherbergi og svölum til suðvesturs! 

Lind fasteignasala / Heimir Hallgrímsson lögg. fasteignasali kynna til sölu afar glæsilega og vandaða 70,5 fermetra íbúð (708) á 7. hæð (efstu hæð) í fallegu nýju lyftuhúsi byggðu af ÞG Verk við Sunnusmára 9 í Kópavogi. Sérmerkt stæði í bílakjallara og rúmgóð 10,7 fermetra geymsla í kjallara. Lyfta gengur beint niður í geymslugang og bílakjallara. Svalir snúa til suðvesturs, inn í bakgarð hússins, og eru 6,9 fermetrar að stærð.

Öll eldhústæki fylgja með íbúðinni s.s. innb. kæliskápur með frysti, innb. uppþvottavél, spansuðu helluborð, bakaraofn og eyjuháfur. Vandaðar innréttingar frá GKS eru í íbúðinni. Fallegt harðparket frá Agli Árnasyni er á gólfum og gardínur í öllum gluggum ásamt vönduðum ljósum frá Lúmex. Myndavéladyrasími er í íbúðinni og búið er að leggja grunnkerfi fyrir rafhleðslustöðvar í bílakjallara.

Húsið, sem er byggt af ÞG Verk, er steinsteypt og útveggir einangraðir að utan, klætt álklæðningu sem tryggir lágmarks viðhald húsanna. Gluggar eru ál/tré kerfi og glerjaðir með K-gleri. Innveggir aðrir en steyptir eru úr hleðslusteini. Fallegur sameiginlegur garður til suðvesturs sem verður fullfrágenginn.

ALLAR NÁNARI UPPLÝSINGAR VEITIR:
Heimir F. Hallgrímsson í síma: 849-0672 / HEIMIR@FASTLIND.IS

Nánari lýsing:
Íbúðin skiptist í forstofu, eldhús með eyju í alrými með stofu, svefnherbergi, baðherbergi og þvottaherbergi. Útgengt á 6,9 fermetra svalir til suðvesturs úr stofu. Rúmgóð sérgeymsla í kjallara og sameiginleg hjóla- og vagnageymsla.

Anddyri: Með fataskápum frá GKS.
Svefnherbergi: Með harðparketi á gólfi, fataskápum frá GKS og glugga til suðvesturs. 
Stofa: Með harðparketi á gólfi. Opin við eldhús og útgengi á svalir.
Svalir: Til suðvesturs inn í skjólgóðan garð og eru 6,9 fermetrar að stærð.
Eldhús: Með eldhúsinnréttingu frá Nobilia (GKS) og öllum eldhústækjum (Blástursofn, spansuðuhelluborð, innbyggð uppþvottavél, innbyggður kæliskápur með frysti og vifta).
Baðherbergi: Með fallegum flísum á gólfi og hluta veggja. Flísalögð sturta með glerþili. Innrétting við vask, speglaskápur, upphengt salerni, handklæðaofn og útloftun. 
Þvottaherbergi: Með flísum á gólfi og tengi fyrir þvottavél/þurrkara.

Sunnusmári er nýtt hverfi miðsvæðis á höfuðborgarsvæðinu þar sem stutt er í alla þjónustu, verslanir, skóla og leikskóla. Sunnusmári er frábær kostur fyrir þá sem kjósa að búa í íbúðarhverfi þar sem öll helsta þjónusta er í næsta nágrenni.

Byggingaraðili er ÞG Verk sem eru með yfir 20 ára reynslu á byggingarmarkaði. Fyrirtækið leggur áherslu á vandaðar íbúðir, góða þjónustu og skil íbúða á réttum tíma. Áreiðanleiki, gæði og notagildi eru einkunnarorð ÞG verks og fyrirtækið kappkostar að eiga gott samstarf við viðskiptavini sína. 

Innréttingar: Í eldhúsi og baðherbergi eru frá þýska framleiðandanum Nobilia (flutt inn af GKS) og fataskápar frá GKS smíðaverkstæði. Eldhúsinnrétting er með dökkri viðarárferð (hnota frá GKS) en svörtum efri skápum eða með ljósum innréttingum. Fataskápar eru hvítir. Lýsing undir efri skápum í eldhúsum. Speglaskápar á baðherbergi. 

Eldhústæki: Íbúðinni fylgja vönduð eldhústæki. Íbúðinni er skilað með span helluborði, innbyggðum kæliskáp, innbyggðri uppþvottavél, blástursofni og viftu eða lofthengdum eyjuháfi þar sem það á við.

Hreinlætistæki: Salernisskál er vegghengd með innbyggðum vatnskassa. Sturta er með flísalögðum botni og hertu sturtugleri. Þvottahús er í sér rými.

Aðalhönnuður: Er teiknistofan ARKIS ehf. Hanna verkfræðistofa ehf. sér um hönnun burðarvirkis, Teknis ehf. um hönnun lagna og Lumex um raflagnahönnun.