Laxakvísl 12

Nýtt á skrá! Laxakvísl 12 Reykjavík - Bókið skoðun!

Lind fasteignasala / Heimir Hallgrímsson lögg. fasteignasali kynnir afar fallegt, bjart og vandað 6 herbergja 201,0 fermetra raðhús í raðhúsalengju á frábærum og fjölskylduvænum stað við Laxakvísl 12 í Reykjavík. Í húsinu eru 4 svefnherbergi, gestasnyrting, baðherbergi, stór stofa, rúmgóð borðstofa, fjölskyldurými/sjónvarpsstofa, eldhús, þvottaherbergi og bílskúr. Húsið er afar sjarmerandi og bjart með stórum gluggum til suðurs í stofu. Árið 2021 var þakið endurnýjað (pappi og járn) ásamt því að skipt var um alla þakglugga. Þá er nýlega búið að skipta um svalahurð og hurð frá stofu út í bakgarð.

Gengið í skjólgóðan bakgarð til suðurs frá stofu þar sem tyrfð flöt tekur við viðar verönd. Fallegur gróður á lóðarmörkum. Svalir til suðurs inn í bakgarð frá efri hæð. Hellulögð stétt er fyrir framan hús og snjóbræðsla að húsi og fyrir framan bílskúr. Beð með fallegum gróðri eru við inngang hússins. Afar góð staðsetning með útsýni að Árbæjarsafni.

Um er að ræða eftirsótta staðsetningu í góðu fjölskylduhverfi í Ártúnsholti í Reykjavík þar sem stutt er í grunnskóla og leikskóla. Frábærar hjóla- og gönguleiðir í næsta nágrenni. Stutt er í helstu stofnæðar þar sem hverfið er afar vel staðsett innan höfuðborgarsvæðisins. 

Nánari lýsing:
Jarðhæð:
Forstofa: Með flísum á gólfi. Gengið er inn í bílskúr frá forstofu.
Hol: Er rúmgott með parketi á gólfi og góðum skápum.
Stofa: Er stór, björt og með parketi á gólfi. Gluggar til suðurs. Stofa rúmar mjög vel setustofu og borðstofu. Útgengi frá stofu í bakgarð hússins.
Eldhús: Með hvítri/beyki eldhúsinnréttingu með góðu skápaplássi. Siemens bakaraofn, keramik helluborð og tengi fyrir uppþvottavél. Góður borðkrókur og gluggi til norðurs.
Gestasnyrting: Með flísum á gólfi, salerni og vaski.
Bílskúr: Er snyrtilegur með máluðu gólfi og vask. Heitt/kalt vatn og geymsluloft. Inngangshurð er á bílskúrshurð en einnig er innangengt frá forstofu.

Efri hæð: 
Fjölskyldurými/sjónvarpsstofa: Með parketi á gólfi, aukinni lofthæð og nýlegum þakgluggum. 
Hjónaherbergi: Er rúmgott, með parketi á gólfi og góðu skápaplássi. Aukin lofthæð að hluta og gluggar til norðurs.
Svefnherbergi II: Með parketi á gólfi, skápum og glugga til suðurs. Í dag hefur verið opnað á milli svefnherbergis I og svefnherbergis II en auðvelt er að breyta þeim aftur í tvö svefnherbergi. Aukin lofthæð að hluta.
Svefnherbergi III: Með parketi á gólfi, skápum og glugga til suðurs. Aukin lofthæð að hluta.
Svefnherbergi IV: Með parketi á gólfi, skápum og glugga til suðurs. Aukin lofthæð að hluta og útgengi á svalir.
Svalir: Snúa til suðurs inn í bakgarð hússins. Fallegt útsýni að Árbæjarsafni.

Nánari upplýsingar:
Heimir Hallgrímsson, lögg. fasteignasali / heimir@fastlind.is / 849-0672